O día 12 de maio é unha xornada festiva no cole de Cea.
Comezamos a xornada recopilando o material vexetal que foi traendo todo o alumnado: flores, xestas, carrabouxos, hedras...
Unha vez recopilado o material, o alumnado organizado por quendas foi facer a súa parte do maio e cantou as súas coplas dos maios.
Velaí tedes un pequeno resumo da xornada .
Este luns 17 de abril contaremos no cole coa artista Alba María . O alumnado de 1º da ESO gozará dunha xornada na que elaborarán regueifas e versos de rap.
Co gallo da celebración da semana da prensa, na biblioteca do cole organizamos unha exposición da revista local: "Bisbarra". Trátase dunha revista publicada entre os anos 1984 e 1988 .
Nela atopamos artigos de autores como : Ramón Caride, Xosé Paz.... unha auténtica xoia propiedade de Evaristo Rodríguez, veciño de Cea e colaborador habitual do cole de Cea .
Ó longo deste mes de febreiro realizamos diversas actividades para conmemorar o aniversario do nacemento dunha das figuras clave das letras e da cultura galegas:ROSALÍA DE CASTRO.
Algunhas das actividades nas que participou o alumnado foron: composicíón dun quebracabezas colaborativo, elaboración de chapas, realización de pasatempos, recitado de poemas e a elaboración dun gran mural na que cada un pintou flores e escribiu versos dos poemas da autora.E como colofón final todo o alumnado asistiu ó concerto de Sergio Tannus e Marta Bravo.
Que ben o pasamos !!
Trala presentación da compañía escolar de monicreques Titiricea no VI Serán do Cole de Cea a compañía continúa a sua traxectoria e comezou o curso facendo a representación dunha das súas obras no festival de Nadal. O alumnado da ESO do centro que conforma Titiricea continuará traballando ó longo deste curso ....
