O próximo luns 17 de marzo , recibiremos no cole a Cé Orquestra Pantasma. Esta actividade inclúese dentro do programa Falamos + , no que o noso centro está a participar. Será unha xornada na que os cativos gozarán e bailaran o son da música de César Frieira.
.png)
Hoxe comezamos o programa Falamos +, promovido pola Consellería de Cultura, Educación, Formación Profesional e Universidades, a través da Secretaría Xeral de Política Lingüística, que ten como finalidade promover o uso do galego oral entre os máis cativos dentro e fóra dos centros de ensino.
Esta iniciativa de dinamización lingüística nace para que o alumnado fale máis o galego e perfeccione o seu uso dentro e fóra das aulas .
Dende hoxe, e ata o día 28 deste mes, os nenos realizarán actividades en galego nos períodos de lecer. Son actividades do máis divertido: os luns falamos, os martes xogamos, os mércores facemos ciencia, os xoves escribimos e lemos e os venres bailamos e cantamos.
Este domingo, 23 de febreiro, cúmprense 184 anos do nacemento da nosa escritora máis universal e dende o centro queremos renderlle homenaxe. Un ano máis ó longo deste mes o alumnado realizou diversas actividades propostas polos equipos de Dinamización da Lingua, Biblioteca e Música , en torno á figura de Rosalía.
.png)
Co gallo do Samaín, o EDL xunto coa Biblioteca Ramón Caride lanzou unha proposta para que o alumnado do centro expresase os seus medos (ben de forma gráfica ou escrita ).
O resultado deste traballo queda plasmada en dous libros que están dispoñibles na biblioteca do centro .
O pasado venres, o alumnado de 3º e 4º de ESO acudiu a Vigo, á gala de entrega de premios: "As imaxes do patrimonio", onde a nosa alumna Daniela obtivo un accésit na categoría de Secundaria. Parabéns Daniela!!!
Podedes ver a gala de entrega de premios premendo na seguinte ligazón.
.jpg)
